ആദിയിൽ 
നീ പുഴയും ഞാൻ നിലാവുമായിരുന്നു 
നിന്റെ ഓളങ്ങളിൽ 
എന്റെ നിലാമഴ ആഴപ്പരപ്പുകളിലേക്ക് 
പെയ്തിറങ്ങിയിരുന്നു 

കത്തിയമർന്ന മീനച്ചൂടിൽ 
നിനക്ക് എന്റെ 
സിരകളെ കുളിരണിയിക്കുന്ന 
കോടമഞ്ഞാകാൻ കഴിയുമായിരുന്നു

മരം കോച്ചുന്ന
മകര തണുപ്പിൽ
നിനക്ക് ഉഷ്നമാപിനിയാകാനും
കഴിഞ്ഞിരുന്നു..

മഴ നിഴൽ പ്രദേശവും കടന്നു ..
നീയും ഞാനും
ഈ പുഴയിലൂടെ കെട്ടുപിണഞ്ഞു
ചിന്നിച്ചിതറി ഒഴുകുകയാണ് .
നീയും ഞാനും ഏതോ കരയിൽ
അടിയും വരെ..