പ്രത്യയ ശാസ്ത്രം *******************
കറുത്ത നിറമുള്ള കിടാത്തികളുടെ 
ഒറ്റമുണ്ട് ഊരിയെറിഞ്ഞു 
കുറ്റിക്കാട്ടിലേക്ക് വലിച്ചിഴച്ച 
ജന്മികളുടെ ബീജപാത്രം ..
മുറിച്ചെറിഞ്ഞത് സഖാക്കളുടെ 
പ്രത്യശാസ്ത്രമായിരുന്നു 

സവർണ ബിംബങ്ങളുടെ മുഖത്തടിച്ചു ..
ക്ഷേത്രമണി മുഴക്കിയത് ..
സർപ്പ ദംശനമേറ്റ സഖാവിന്റെ
പ്രത്യയശാസ്ത്രമായിരുന്നു

മണ്ണിൽ കുത്തിയ കുഴി മൂടി
ദളിതൻ കുത്തരിചോറി ന്റെ
കഞ്ഞി രുചിച്ചത് ..
പൂനൂൽ പൊട്ടിയടർത്തിയ
നമ്പൂതിരിയുടെ പ്രത്യശാസ്ത്രമായിരുന്നു ..

അൻപത്തൊന്നു വെട്ടുകളുടെ
വാൾ തലപ്പുകൾക്ക്
ഏത് വിപ്ലവത്തിന്റെ പ്രത്യശാസ്ത്രമാണ്
കുട പിടിച്ചത് ?